- Album Intro
- Lyrics
- Album list
- Singer Intro
謝銘祐
-
無字的籤詩
Lyricist:謝銘祐 Composer:謝銘祐
阿發伊借一寡錢 拄著過年 福仔拼入了江湖 離開著伊 天星啊閃閃爍 夜快車石告規眠 茫霧的明仔載 戲拄開始
烏伯仔猶跪咧求 這季收成 若無查甫的這胎 須美欲死 眾神祢湊保庇 即世人有藥醫 命運的風微微 欲吹位佗位去?
無字的籤詩 解袂破日子 以為會跳出來 煞落落去無底深坑 想欲往東 哪會往西 踅玲瓏轉無停若像陷眠 光焱焱的擋佇頭前 誰的走馬燈?
土水兮搶著工課 痟想細姨 放伊去 添仔攢無彼條聘金 眾神祢湊保庇 即世人有藥醫 命運的風微微 欲吹位佗位去?
二罐晃頭仔 仝鄉燒酒伴 慢慢催予行 話攏藏一半 心臟放予痛 倒予滇 破碎的夢 做一喙予焦
------------------------------------------
Lyricist:謝銘祐 Composer:謝銘祐
《無字的籤詩》Bô Jī ê Tshiam-si 謝銘祐Siā Bîng-iū
阿發伊借一寡錢 A-huat i tsioh tsi̍t-kuá tsînn 拄著過年 tú-tio̍h kuè-nî 福仔拚入了江湖 Hok-á piànn ji̍p liáu kang-ôo 離開著伊 lī-khui tio̍h i 天星啊閃閃爍 thinn-tshinn--ah siám-siám-sih 夜快車硞規暝 iā-khuài-tshia kho̍k kui-mî 雺霧的明仔載 bông-bū ê bîn-á-tsài 戲拄開始 hì tú khai-sí
烏伯仔猶跪咧求 Oo-peh--á iáu kuī leh kiû 這季收成 tsit kuì siu-sîng 若無查埔的這胎 nā-bô tsa-poo ê tsit the 須美欲死 Su-mih beh sí 眾神祢鬥保庇 tsiòng-sîn Lí tàu pó-pì 這世人有藥醫 tsit-sì-lâng ū io̍h i 命運的風微微 miā-ūn ê hong bî-bî 欲吹對佗位去 beh tshue uì tó-uī khì
無字的籤詩 bô jī ê tshiam-si 解袂破日子 kái buē phuà ji̍t-tsí 以為會跳出來 í-uî ē thiàu--tshut-lâi 煞落落去無底深坑 suah lak lo̍h-khì bô té tshim-khinn 想欲往東 siūnn-beh óng tang 哪會往西 ná ē óng sai 踅玲瑯轉無停若像陷眠 se̍h lin-long tsuán bô-thîng ná-tshiūnn hām-bîn Find more lyrics at ※ Mojim.com 光焱焱咧擋佇頭前光 kng iānn-iānn eh tòng tī thâu-tsîng 誰的走馬燈 siáng ê tsáu-bé-ting
塗水的搶著工課 Thôo-tsuí--ê tshiúnn tio̍h khang-khuè 數想細姨 siàu-siūnn sè-î 放伊去 pàng i khì 添仔攢無彼條聘金 Thiam--á tshuân bô hit tiâu phìng-kim 眾神祢鬥保庇 tsiòng-sîn Lí tàu pó-pì 這世人有藥醫 tsit-sì-lâng ū io̍h i 命運的風微微 miā-ūn ê hong bî-bî 欲吹對佗位去 beh tshue uì tó-uī khì
無字的籤詩 bô jī ê tshiam-si 解袂破日子 kái buē phuà ji̍t-tsí 以為會跳出來 í-uî ē thiàu--tshut-lâi 煞落落去無底深坑 suah lak lo̍h-khì bô té tshim-khinn 想欲往東 siūnn-beh óng tang 哪會往西 ná ē óng sai 踅玲瑯轉無停若像陷眠 se̍h lin-long tsuán bô-thîng ná-tshiūnn hām-bîn 光焱焱咧擋佇頭前 kng iānn-iānn eh tòng tī thâu-tsîng 誰的走馬燈 siáng ê tsáu-bé-ting
兩罐幌頭仔 nn̄g-kuàn hàinn-thâu-á 仝鄉燒酒伴 kāng-hiong sio-tsiú-phuānn 慢慢催予行 bān-bān tshui hōo kiânn 話攏藏一半 uē lóng tshàng tsi̍t-puànn 心臟放予疼 sim-tsōng pàng hōo thiànn 倒予滇 tó hōo tīnn 破碎的夢 phò-tshuì ê bāng 做一喙予焦 tsò tsi̍t-tshuì hōo ta
無字的籤詩 bô jī ê tshiam-si 解袂破日子 kái buē phuà ji̍t-tsí 以為會跳出來 í-uî ē thiàu--tshut-lâi 煞落落去無底深坑 suah lak lo̍h-khì bô té tshim-khinn 想欲往東 siūnn-beh óng tang 哪會往西 ná ē óng sai 踅玲瑯轉無停若像陷眠 se̍h lin-long tsuán bô-thîng ná-tshiūnn hām-bîn 光焱焱咧擋佇頭前 kng iānn-iānn eh tòng tī thâu-tsîng 誰的走馬燈 siáng ê tsáu-bé-ting
- Special thanks to W.B. Chen for correcting the lyric.
- Related Links: W.B. Chen
|